Aplikazio honek aukera ematen du Jorge Oteizaren eskultura-bilduman zeharreko ibilbidea egiteko, lehen obra figuratiboetatik espazioaren desokupazioarekin lotutako konklusio prozesuetaraino helduz. Tresna honen bidez sakondu egin daiteke artistaren Laborategi Esperimentalean, diziplina anitzeko sortzaile honen biografia ongi ezagutzearekin batera. Aplikazioak Oteizaren artxiboko irudi, bideo eta audio originalak ditu, eta ikustaldi pertsonalizatu bat antolatzea ahalbidetzen du.